PEERS námskeið í félagsfærni í fjarkennslu fyrir 10 til 12 ára

fyrir börn með félagslega erfiðleika, einhverfu, ADHD, kvíða og þunglyndi

Á PEERS námskeiði í félagsfærni er markmiðið að: • Barnið læri að eignast vini og halda þeim. • Foreldri/félagsþjálfi læri að styðja barnið í að finna sér viðeigandi vini. • Foreldri/félagsþjálfi læri leiðir til að styrkja færni barns við að eignast nýja vini. • Foreldri læri leiðir til að efla félagslegt sjálfstæði barns.

Aðalstyrkleiki félagsfærniþjálfunar PEERS er að námskeiðið er fyrir bæði börn og foreldra þeirra eða félagsþjálfa. Foreldrar / félagsþjálfar læra hvernig þeir geta haldið áfram og fylgt eftir félagsfærniþjálfun barns eftir að námskeiðinu lýkur.

Um námskeiðið:

Námskeiðið er fyrir börn og foreldra/félagsþjálfa þeirra og er unnið með sama eða svipað efni í sinn hvorum hópnum. Tekið er fyrir efni samkvæmt PEERS handbók og unnið er með sama eða svipað efni í barna-og foreldra- / félagsþjálfahópnum. Barninu er kennt í gegnum beinar leiðbeiningar, samræður, hlutverkaleiki, myndbönd og heimaverkefni.

Foreldrum/ félagsþjálfum er kennt að vera félagsþjálfi barns, með því að farið er yfir heimaverkefni í hverjum tíma og fylgt vel eftir hvernig hvert og eitt foreldri / félagsþjálfi leiðbeinir sínu barni heima.

Unnið er út frá styrkleikum og áhugasviði hvers barns. Síðasti tíminn er útskrift og afhending verðlauna og viðurkenningarskjala.

Næstu námskeið:

PEERS námskeið í félagsfærni er vikulega í 13 skipti í 75 mínútur hvert skipti. Foreldrar eru fyrstu 75 mínúturnar, þá mæta börnin í 75 mínútur.

Námskeiðin eru tvisvar sinnum á ári í janúar og ágúst.

Sendið okkur tölvupóst á gudrun@felagsfaerni.is eða fyllið út skráningarform hér fyrir neðan og sendið, þá setjum við barnið á biðlista fyrir næstu námskeið.

Inntökuviðtöl eru tekin í desember og júlí á hverju ári og taka um 30-45 mínútur.

Í hverjum hóp er 8 – 12 börn, foreldrar / félagsþjálfar þeirra eru í öðrum hóp.

Fjarkennsla með börnum annars vegar og foreldrum / félagsþjálfa hins vegar fer fram á sama degi en ekki á sama tíma. Raðað er í hópa eftir aldri.

Ósk um þjónustu

Guðrún Jóhanna Benediktsdóttir iðjuþjálfi hefur víðtæka þekkingu og reynslu að vinna með börnum og unglingum. Guðrún Jóhanna hefur starfa sem iðjuþjálfi á Barna- og unglingageðdeild Landspítalans frá því 2012 og til dagsins í dag. Guðrún hefur unnið með lesblindum einstaklingum til margra ára, verið með yfir 60 PEERS námskeið í félagsfærni
Guðrún Jóhanna Benediktsdóttir er iðjuþjálfi, leiðbeinandi með PEERS félagsfærni námskeið og Davis-lesblinduráðgjafi. Hún er með réttindi sem leiðbeinandi í PEERS félagsfærni fyrir börn, unglinga og ungt fólk, Skóla – PEERS einnig er hún með réttindi til að halda Telehealth PEERS námskeið í félagsfærni í fjarkennslu.

Árið 2004 stofnaði hún fyrirtækið Lesblinda ehf sem hefur starfað óslitið síðan. Guðrún Jóhanna útskrifaðist með BS í iðjuþjálfun árið 2012. Hún starfaði hjá Æfingastöð SLF og Barna- og unglingageðdeild Landspítalans þar sem hún er enn við störf. Á BUGL er Guðrún verkefnastjóri iðjuþjálfa. Veturinn 2012 – 2014 skipulagði Guðrún Jóhanna og stýrði námskeiðinu „ég dansa það af mér“ en það er ætlað unglingum sem búa við erfiðar aðstæður.

Árið 2017 var Lesblindu ehf breytt í Félagsfærni – Lesblinda ehf þegar Guðrún fór af stað með PEERS námskeið í félagsfærni.

Árið 2020 fór Guðrún af stað með PEERS námskeið í fjarkennslu, einnig hannað Guðrún spil sem eru hugsuð til að minna börn og unglinga á liðsanda reglur.

Árið 2021 var nafni fyrirtækisins breytt í Lífsbrunnur ehf, þegar Guðrún fór af stað með iðjuþjálfun, félagsfærni námskeið og lesblindu námskeið á stofu og í fjarkennslu.

Lífsbrunnur ehf bíður upp á fjölbreytta þjónust allt eftir þörfum notanda, PEERS félagsfærni námskeið, námskeið fyrir lesblinda, ráðgjöf, fræðsla, samtöl, skynúrvinnslumat og ráðgjöf, mat á færni til að takast á við athafnir daglegs lífs, dagleg rútína, skipulag, áhugmál, vinir, fjölskylda, vinnu og skóla.

Markmið Lífsbrunns er að einstaklingur aukið lífsgæði sín og geti tekið þátt í samfélaginu út frá eigin forsendum.

Guðrún Jóhanna Benediktsdóttir er með staðfestingu frá Embætti landlæknis til að starfa sjálfstætt sem iðjuþjálfi og til að veita fjarheilbrigðisþjónustu.